A visita no Tren Turístico de Santiago

O tren turístico de Santiago de Compostela ofrece unha forma cómoda e sostible de explorar a cidade. Sae da Catedral de Santiago, Patrimonio da Humanidade desde 1985, e percorre o centro histórico ao longo das antigas murallas da capital, descubrindo outros tesoros do patrimonio compostelán que, a miúdo, pasan desapercibidos.

Mapa do percorrido

PUNTO DE ENCONTRO

Praza do Obradoiro, na fachada principal da Catedral de Santiago

Ver mapa

Partindo da Praza do Obradoiro, fronte á Catedral de Santiago, desde os vagóns do tren poderemos admirar algúns dos lugares máis interesantes desta cidade. Durante o traxecto, o tren pasa polo convento de San Francisco, o Auditorio de Galicia e os campus universitarios. Bordea o centro histórico pola Alameda e a Rúa da Senra, onde estaban as antigas murallas e as portas de entrada a Santiago de Compostela. Continúa polo mosteiro de San Domingos de Bonaval, que hoxe alberga o Museo do Pobo Galego e o Panteón de Galegos Ilustres; o Centro Galego de Arte Contemporánea, o Convento de Santa Clara e o monumento ao Peregrino, antes de volver á Praza do Obradoiro.

Horarios e tarifas

MAIO

Saídas todos os días, de 11:00 a 20:00 h (cada hora).

XUÑO

Do 1 ao 19 de xuño. Saídas todos os días, de 11:00 a 20:00 h (cada hora).
Do 20 ao 30 de xuño. Saídas todos os días de 10:30 a 21:00 h (cada 30 minutos).

Estes horarios son orientadores. O servizo poderá verse alterado pola celebración de eventos especiais.

AVISOS: Con motivo do corte de tráfico pola celebración da Carreira SantYaGo 10K, o sábado 30 de maio quedan suprimidas as saídas do Tren Turístico das 19.00 e 20.00 horas.

<p><span style="color: rgb(33, 37, 41); font-family: Nunito, Arial, "Helvetica Neue", Helvetica, sans-serif; font-size: 16px; letter-spacing: 1.76px; background-color: rgb(242, 242, 242);">Persoas adultas</span></p>

Persoas adultas

7€

Nenos/as de 4 a 12 anos

5€

Menores de 4 anos

De balde

FAQ - Preguntas frecuentes

O Tren Turístico sae da Praza do Obradoiro, fronte á Catedral de Santiago, e o percorrido ten unha duración aproximada de 45 minutos.

O prezo do billete é de 7 euros para persoas adultas e 5 euros para menores, entre 4 e 12 anos. Os menores de 4 anos viaxan de balde sempre que vaian acompañados dunha persoa adulta, pero tamén deberán solicitar o seu boleto. O billete inclúe un percorrido completo con audioguía dispoñible en 7 idiomas para coñecer a historia e as curiosidades da cidade.

Permítense cambios e anulacións ata 1 hora antes da saída do tren, a través desta páxina web, identificándote co teu DNI, a referencia de compra e o localizador.

Por seguridade, é obrigatorio permanecer sentado durante todo o percorrido e seguir as indicacións do persoal. Non está permitido fumar, comer nin beber no interior do tren. Non se admiten animais, salvo cans guía ou mascotas pequenas en transportín que non ocupen praza. Ademais, esíxese un comportamento respectuoso e adecuado durante toda a viaxe.

É obrigatorio conservar o billete durante todo o percorrido. En caso de perda, poderás obter un duplicado accedendo á túa área persoal nesta páxina web, identificándote co teu DNI, a referencia de compra e o localizador. Se tes algunha dúbida ou precisas axuda, podes escribirnos a través do formulario dispoñible nesta web.

Lembra que...