Política de vendas

CONDICIÓNS XERAIS DE CONTRATACIÓN

1. Identificación das partes

En cumprimento da Lei 34/2002, do 11 de xullo, de Servizos da Sociedade da Información e do Comercio Electrónico, infórmase que a titularidade do sitio web https://trenturisticosantiago.com/ pertence a Autocares Rías Baixas, SL, con CIF número B36019990, domicilio no lugar de Igrexa-Salcedo, número 37, con código postal 36143 de Pontevedra, e correo electrónico de contacto arbp@autocaresriasbaixas.com. A empresa atópase inscrita no Rexistro Mercantil de Pontevedra, Tomo 4012, Folio 113, inscrición 31, folla PO7500.

2. Obxecto

O presente documento regula as condicións xerais de contratación que rexerán a relación entre a provedora, Autocares Rías Baixas, SL, e a persoa usuaria ao navegar pola web https://trenturisticosantiago.com/, e, en concreto, a compra e reserva de servizos turísticos ofrecidos a través do sitio web, consistentes en servizos de transporte turístico en tren pola cidade de Santiago de Compostela.

A aceptación do presente documento conleva que a persoa usuaria: leu, entende e comprende o aquí exposto, ten capacidade suficiente para contratar e asume as obrigacións aquí manifestadas.

3. Procedemento de contratación

O procedemento de reserva e contratación poderá realizarse en castelán, inglés e galego.

O procedemento de compra seguirá os seguintes pasos:

Acceso a toda a información previa á contratación do servizo ofrecido a través da web.
Acceso á adquisición de reserva de tickets a través do botón “Compra o teu billete”, onde se seleccionará a data desexada facendo clic no día do calendario; posteriormente, elíxese o horario, indicándose as prazas dispoñibles en cada quenda; logo selecciónanse as tarifas en función das idades das persoas para quen se realiza a compra, reflectíndose, de forma expresa e sinxela, que tramos de idade comprende cada tarifa e permitindo seleccionar varios tickets para cada tramo; por último permítese seleccionar o asiendo desexado nun esquema do tren turístico cun código de cores en función da dispoñibilidade.
No lateral dereito manterase en todo momento un resumo das seleccións realizadas.
Tanto na marxe dereita, como no final da páxina permitirase facer clic para “continuar co pago”, dispoñendo de 20 minutos para cubrir a información persoal imprescindible da persoa compradora e indicando se se desexa ou non factura, a cal será remitida ao correo electrónico facilitado, e a aceptación da política de privacidade e as presentes condicións xerais. Por último, poderá facerse clic en “finalizar compra”.
Acceso á pasarela de pago, habilitándose unicamente o pago con tarxeta bancaria, tras o cal, obterase unha ligazón para “descargar os tickets” e de forma automática, remitirase vía correo electrónico, os tickets adquiridos.

4. Prezos e impostos

Todos os prezos mostrados inclúen o IVE vixente salvo indicación expresa. A empresa resérvase o dereito para modificar os prezos sen aviso previo/previo aviso, aínda que se respectarán os prezos en vigor no momento da compra.

5. Política de cancelacións e devolucións

O proceso de contratación pode levar a cabo con ou sen rexistro previo na web, no primeiro caso, facilitarase un nome de usuario e un contrasinal que permitirá acceder a todos os pedidos realizados, a través da icona incluída na marxe superior dereito da pantalla. No mesmo icona poderá accederse, sen rexistro, mediante o documento de identidade, referencia de compra e localizador (sinalados no billete) para xestionar a reserva.

A xestión de reservas permite descargar novamente os billetes, realizar unha modificación da data, hora ou asento e/o anular a reserva efectuada. Tras a xestión, recibirase confirmación no mesmo correo facilitado e, en caso de devolución, procederase ao abono na mesma tarxeta coa que se realizou o pago nun máximo de 15 días hábiles, sen prexuízo da cantidade que, debidamente informada, poderá deducir Autocares Rías Baixas, SL como gastos de xestión polo cambio ou anulación.

En todo caso, o proceso de anulación e modificación poderá facerse ata unha hora antes da hora prevista de inicio do servizo.

Non se realizarán devolucións ou modificacións se a persoa usuaria non se presenta á hora acordada ou chega con atraso.

6. Dereitos e deberes das persoas usuarias

A persoa usuaria comprométese a respectar as normas de seguridade indicadas polo persoal e a manter unha conduta adecuada durante o percorrido, en particular e sen ánimo exhaustivo:

Non se autorizará que ningunha persoa pasaxeira viaxe de pé ou camiñe durante o traxecto por dentro do tren, debendo permanecer sentados nos asentos asignados desde o principio ao final do traxecto. Nas paradas, esperarase ata a total detención do vehículo para entrar ou saír do mesmo, e ás indicacións do persoal.
Non se autorizará o embarque e transporte de menores de 12 anos que non vaian acompañados de persoas adultas responsables. No caso de menores de 4 anos, o cociente de acompañantes será dun por cada dúas filas de asentos en que se atope o menor.
As persoas usuarias deberán reunir unhas condicións mínimas de sanidade, salubridade e hixiene necesarias, para evitar calquera risco ou incomodidade para as demais persoas usuarias, observando en todo momento no tren unha conduta adecuada, evitando as accións que os poñan en risco a si mesmas e ás demais persoas usuarias. A súa conduta deberá ser correcta e educada, respectando as normas de convivencia.
Queda terminantemente prohibido fumar, comer ou beber no vehículo, así como calquera tipo de conduta que entrañe risco para a saúde propia ou allea e, por razón de comodidade e de seguridade das persoas usuarias, non se poderán introducir nos vehículos paquetes de grandes dimensións, ou envases ou garrafas que conteñan substancias inflamables e os obxectos que, polo seu aspecto e/o condición, poidan molestar ou afectar o servizo ou ao resto de persoas usuarias.
Non se admitirán persoas usuarias en estado de intoxicación etílica, ou baixo consumo de calquera substancia estupefaciente nos termos previstos na Lei de Seguridade Cidadá, así como portadoras de armas de calquera clase #de acordo con as determinacións do Regulamento de Armas, excepto a Policía e forzas de seguridade en servizo.
Está prohibida a admisión de animais de calquera clase, excepto os que vaian en sistemas de transporte específicos que non ocupen praza e que o tamaño dos mesmos non exceda do ancho do asento. Os cans guía e de asistencia (acreditados por centros homologados para estas tarefas) non teñen que cumprir os requisitos anteriores, podendo estes animais viaxar xunto á persoa propietaria segundo o establecido na normativa aplicable.
Deberanse respectar en todo momento os dereitos fundamentais das persoas no vehículo, en particular as conviccións relixiosas e de pensamento, a dignidade, integridade e intimidade. Non se discriminará a ninguén por razóns de sexo, raza, nacemento ou calquera outra circunstancia persoal ou social.
Non se permitirá o acceso ao tren a persoas que exhiban pezas, símbolos ou obxectos que inciten a realizar actividades contrarias aos dereitos fundamentais recoñecidos na Constitución e, en especial que inciten á violencia, xenofobia ou á discriminación.
Calquera dano causado polo incumprimento destas normas será responsabilidade da persoa usuaria.

7. Dereitos e deberes da empresa

A empresa poderá cancelar ou modificar o servizo por causas meteorolóxicas, técnicas ou de forza maior, ofrecendo ao cliente unha nova data ou a devolución íntegra do importe. Así mesmo, poderá denegar o acceso a calquera persoa usuaria que incumpra as normas de comportamento ou seguridade.

En ningún caso excederase das prazas ofrecidas en cada expedición, limitándose aos asentos dispoñibles.

8. Protección de datos

Os datos persoais facilitados durante o proceso de compra trataranse conforme á Política de Privacidade publicada no sitio web, cumprindo o Regulamento (UE) 2016/679 (RGPD) e a LOPDGDD 3/2018.

9. Lexislación aplicable e xurisdición

Estas condicións réxense pola lexislación española. Para a resolución de conflitos, as partes sométense expresamente aos Xulgados e Tribunais de Pontevedra.